Ҳадди ақал 2 ҳарф ворид кунед
Сардори Хадамоти алоқаи назди Ҳукумати Ҷумҳурии Тоҷикистон
Сардори Шуъбаи молия ва муҳосибот
Шуъбаи молия ва муҳосибот воҳиди сохтории Хадамоти алоқаи назди Ҳукумати Ҷумҳурии Тоҷикистон буда, дар фаъолияти худ Конститутсияи Ҷумҳурии Тоҷикистон, санадҳои ҳуқуқии байналмилалии эътироф намудаи Ҷумҳурии Тоҷикистон, қарорҳои Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, фармонҳои Президенти Ҷумҳурии Тоҷикистон, қарорҳои Ҳукумати Ҷумҳурии Тоҷикистон, низомномаи Хадамот, фармоишҳои сардори Хадамот ва низомномаи мазкурро дастури амал қарор медиҳад.
Сардори Шуъбаи кадрҳо ва корҳои махсус
Бо Қарори Ҳукумати Ҷумҳурии Тоҷикистон аз 25 сентябри соли 2025 таҳти №481, «Дар бораи корхонаҳо ва муассисаҳои низоми Хадамоти алоқаи назди Ҳукумати Ҷумҳурии Тоҷикистон» ва тибқи Низомномаи нави Хадамоти алоқа дар дастгоҳи марказӣ «Шуъбаи кадрҳо ва корҳои махсус» таъсис дода шудааст.
Шуъбаи кадрҳо ва корҳои махсус фаъолияти худро дар асоси Конститутсияи Ҷумҳурии Тоҷикистон, қонунҳо ва дигар санадҳои меъёрии ҳуқуқии ҷумҳурӣ, инчунин Низомномаи Хадамоти алоқа ва Низомномаи дохилии шуъба ба роҳ мондааст. Шуъба татбиқи сиёсати давлатии кадриро дар низоми Хадамот таъмин намуда, ҳамоҳангсозӣ ва назорати фаъолияти кадрии воҳидҳои сохториро ба роҳ мемонад.
Дар доираи фаъолияти худ шуъба пешбурди ҳуҷҷатгузории кадрӣ, аз ҷумла парвандаҳои шахсии кормандон, дафтарчаҳои меҳнатӣ ва дигар ҳуҷҷатҳои марбутро таъмин менамояд. Ҳамзамон, таҳияи фармоишҳои кадрӣ вобаста ба таъин ва озод намудани кормандон аз вазифа, ба рухсатӣ фиристодан, ба сафари хизматӣ равона намудан ва дигар масъалаҳои кадрӣ аз ҷумлаи вазифаҳои муҳими он ба ҳисоб меравад.
Яке аз самтҳои асосии фаъолияти шуъба ташкил ва баргузор намудани озмунҳо барои ишғоли мансабҳои холии хизмати давлатӣ, гузаронидани аттестатсияи хизматчиёни давлатӣ ва баҳодиҳии фаъолияти онҳо мебошад. Шуъба инчунин ҷиҳати тайёркунӣ, азнавтайёркунӣ ва такмили ихтисоси кормандон чораҳои зарурӣ андешида, ба баланд бардоштани сатҳи касбии онҳо мусоидат менамояд.
Таҳлили ҳайати кадрӣ, банақшагирии талабот ба кадрҳо, омода намудани захираи кадрҳо ва пешниҳоди номзадҳо барои мансабҳои роҳбарикунанда низ аз вазифаҳои муҳими шуъба маҳсуб меёбанд. Дар баробари ин, шуъба масъалаҳои ҳавасмандгардонӣ ва мукофотонии кормандонро баррасӣ намуда, оид ба баланд бардоштани самаранокии фаъолияти хизматчиёни давлатӣ пешниҳодҳо манзур менамояд. Назорати риояи интизоми меҳнатӣ ва талаботи қонунгузории хизмати давлатӣ низ дар доираи фаъолияти шуъба амалӣ карда мешавад.
Дар маҷмӯъ, Шуъбаи кадрҳо ва корҳои махсус дар татбиқи сиёсати кадрӣ ва рушди захираҳои инсонӣ дар Хадамоти алоқа нақши муҳим дошта, фаъолияти он ба баланд бардоштани самаранокӣ ва касбияти хизматчиёни давлатӣ равона гардидааст.
Сардори шуъбаи коргузорӣ ва назорати иҷро
Бо Қарори ҳукумати Ҷумҳурии Тоҷикистон аз 25 сентябри соли 2025 таҳти № 481 «Дар бораи корхонаҳо ва муассисаҳои низоми Хадамоти алоқаи назди Ҳукумати Ҷумҳурии Тоҷикистон» ва тибқи Низомномаи нави Хадамоти алоқаи назди Ҳукумати Ҷумҳурии Тоҷикистон дар дастгоҳи марказӣ шуъбаи коргузорӣ ва назорати иҷро таъсис дода шудааст.
Шуъбаи коргузорӣ ва назорати иҷро воҳиди сохтории Хадамоти алоқаи назди Ҳукумати Ҷумҳурии Тоҷикистон буда, фаъолияти худро дар асоси Конститутсия, қонунҳои амалкунанда ва санадҳои меъёрии ҳуқуқии Ҷумҳурии Тоҷикистон ба роҳ мемонад. Мақсади асосии шуъба таъмин намудани ташкили дурусти коргузорӣ ва назорати иҷрои саривақтии ҳуҷҷатҳо, супоришҳо ва фармоишҳои роҳбарият мебошад.
Дар доираи фаъолияти худ шуъба ташкили низоми ягонаи коргузориро дар Хадамот таъмин намуда, иҷрои саривақтии супоришҳои роҳбарият, қарорҳо ва санадҳои меъёриро назорат мекунад. Ҳамзамон, шуъба ба таҳлил ва ҷамъбасти фаъолияти воҳидҳои сохторӣ машғул шуда, ҷиҳати такмили низоми коргузорӣ ва баланд бардоштани самаранокии он пешниҳодҳо манзур менамояд. Яке аз самтҳои муҳими фаъолияти шуъба баррасии муроҷиатҳои шаҳрвандон ва назорати иҷрои онҳо мебошад. Шуъба инчунин нигоҳдорӣ, ба тартиб даровардан ва ҳифзи ҳуҷҷатҳои расмиро таъмин мекунад.
Шуъбаи коргузорӣ ва назорати иҷро аз сардор, сармутахассис, мутахассиси пешбар ва мутахассис иборат буда, фаъолияти онҳо тибқи дастурамалҳои мансабӣ ба роҳ монда мешавад. Сардори шуъба фаъолияти онро роҳбарӣ намуда, барои иҷрои вазифаҳои ба зиммаи шуъба гузошташуда масъул мебошад. Дар маҷмӯъ, шуъбаи коргузорӣ ва назорати иҷро дар таъмини интизоми хизматӣ, шаффофият ва самаранокии фаъолияти Хадамоти алоқа нақши муҳим дошта, яке аз бахшҳои калидии идоракунии ҳуҷҷатгузорӣ ба ҳисоб меравад.
Муовини якуми Сардори Хадамоти алоқаи назди Ҳукумати Ҷумҳурии Тоҷикистон
Сардори Раёсати муносибатҳои байналмилалӣ ва ҷалби сармоя
Дар шароити муосир рушди соҳаи алоқа ва технологияҳои иттилоотию коммуникатсионӣ (ТИК) бе ҳамкориҳои зичи байналмилалӣ ва ҷалби сармояи хориҷӣ ғайриимкон аст. Хадамоти алоқаи назди Ҳукумати Ҷумҳурии Тоҷикистон бо пайравӣ аз сиёсати «дарҳои кушода», ки аз ҷониби Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон муайян шудааст, робитаҳои хориҷии худро ҷиҳати муаррифии имкониятҳои соҳа ва ворид намудани таҷрибаи пешқадами ҷаҳонӣ густариш медиҳад.
Раёсати муносибатҳои байналмилалӣ ва ҷалби сармоя воҳиди сохтории дастгоҳи марказии Хадамоти алоқа буда, фаъолияти он ба танзими робитаҳои хориҷӣ ва тақвияти иқтидори сармоягузории соҳа нигаронида шудааст. Раёсат дар асоси Низомномае, ки мувофиқи Қарори Ҳукумати Ҷумҳурии Тоҷикистон аз 25 сентябри соли 2025, №480 тасдиқ гардидааст, амал намуда, вазъи ҳуқуқӣ ва ваколатҳои соҳавии худро амалӣ месозад.
Директори Муассисаи давлатии «Маҷаллаи Алоқа»
Муассисаи давлатии «Маҷаллаи Алоқа» дар асоси Қарори Ҳукумати Ҷумҳурии Тоҷикистон аз 25 сентябри соли 2025, №481 «Дар бораи корхонаҳо ва муассисахои низоми Хадамоти алоқаи назди Хукумати Ҷумҳурии Тоҷикистон» дар заминаи Муассисаи редаксияи «Ҳафтаномаи Алоқа» таъсис дода шудааст. Муассиса тибқи муқаррароти замимаи 4 Қарори Ҳукумати Ҷумҳурии Тоҷикистон аз 25 сентябри соли 2025, №480 «Дар бораи Хадамоти алоқаи назди Ҳукумати Ҷумҳурии Тоҷикистон» воҳиди сохтории Хадамоти алоқаи назди Ҳукумати Ҷумҳурии Тоҷикистон мебошад.
Мақсади фаъолияти Муассисаи давлатии «Маҷаллаи Алоқа» аз таъмини иттилоот, таҳлил ва ташкили фаъолияти фарҳангӣ – тарғиботии соҳаи алоқа ва технологияҳои иттилоотиву коммуникатсионӣ иборат мебошад.
Ҳоло дар сохтори Муассисаи давлатии «Маҷаллаи Алоқа» идораи нашрияи «Маҷаллаи Алоқа» ва шуъбаҳои иттилооту таҳлил ва шуъбаи табъу нашр, таблиғот ва робита бо ҷомеъа фаъолият менамоянд.
Нашрияи «Маҷаллаи Алоқа» ҳамчун воситаи ахбори оммаи соҳавӣ шуруъ аз моҳи январи соли 2026, дар як моҳ як маротиба бо тарҳ ва сифати баланд интишор гардида, масъалаҳои муҳими рушди соҳаи алоқа, раванди рақамикунонӣ, навовариҳо, таҳлилҳои касбӣ, фаъолияти зерсохторҳо, навгониҳои ширкатҳои мобилӣ ва интернет-провайдеронро инъикос менамояд.
Муовини Сардори Хадамоти алоқаи назди Ҳукумати Ҷумҳурии Тоҷикистон
Сардори Раёсати назорат дар соҳаи алоқа
Раёсати назорат дар соҳаи алоқаи Хадамоти алоқаи назди Ҳукумати Ҷумҳурии Тоҷикистон фаъолияти худро дар асоси қонунгузории Ҷумҳурии Тоҷикистон ва санадҳои меъёрии ҳуқуқии амалкунанда ба роҳ монда, назорати давлатӣ дар соҳаи алоқа ва иттилоотониро амалӣ менамояд.
Сардори Раёсати танзим дар соҳаи алоқа
Раёсати танзим дар соҳаи алоқаи Хадамоти алоқаи назди Ҳукумати Ҷумҳурии Тоҷикистон фаъолияти худро дар асоси Конститутсияи Ҷумҳурии Тоҷикистон, Қонуни Ҷумҳурии Тоҷикистон «Дар бораи алоқа», Қонуни Ҷумҳурии Тоҷикистон «Дар бораи низоми иҷозатдиҳӣ», инчунин низомномаи Хадамоти алоқаи назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 25 сентябри соли 2025, №480 тасдиқ шудааст ва дигар санадҳои меъёрӣ-ҳуқуқии Ҷумҳурии Тоҷикистон таҳия гардида ба роҳ монда, ҷиҳати тақвият бахшидани равандҳои соҳаи алоқа фаъолият намуда истодааст.
Раёсати танзим дар соҳаи алоқа яке аз сохтори асосии дастгоҳи марказии Хадамоти алоқаи назди Ҳукумати Ҷумҳурии Тоҷикистон ба ҳисоб рафта, фаъолияти он ба додани ҳуҷҷатҳои хусусияти иҷозатномавидошта, муайян кардани стандартҳои хизматрасонӣ санҷиши фаъолияти субъектони хоҷагидори соҳаи алоқа (мобилӣ, интернет, почта), назорати сифати хизматрасонӣ (суръати интернет, фарогирии шабака), риояи қонунгузорӣ ва талабот рушди инфрасохтори алоқа (шабакаҳо, интернет, технологияҳо), ҷорӣ кардани, технологияҳои нав (4G, 5G ва ғ), беҳтар кардани фарогирии алоқа дар минтақаҳо, баррасии шикоятҳои шаҳрвандон, ҳифзи ҳуқуқи истифодабарандагони хизматрасонии алоқа, таъмини шаффофият ва адолат дар хизматрасонӣ равона шудааст.
Сардори раёсати ҳуқуқ
Раёсати ҳуқуқи Хадамоти алоқаи назди Ҳукумати Ҷумҳурии Тоҷикистон дар асоси Конститутсияи Ҷумҳурии Тоҷикистон, Қонуни Ҷумҳурии Тоҷикистон дар бораи «Дар бораи низоми мақомоти идоракунии давлатии Ҷумҳурии Тоҷикистон», Қонуни Ҷумҳурии Тоҷикистон «Дар бораи хизмати давлатӣ» Низомномаи Хадамоти алоқаи назди Ҳукумати Ҷумҳурии Тоҷикистон дигар санадҳои меъёрии ҳуқуқии Ҷумҳурии Тоҷикистон таҳия гардида, вазъи ҳуқуқӣ, сохтор ва тартиби ташкил, ҳуқуқ ва вазифаҳои асосии Раёсати ҳуқуқи Хадамоти алоқаи назди Ҳукумати Ҷумҳурии Тоҷикистонро муайян намуда, масъалаҳои ҳуқуқиро вобаста ба фаъолияти Раёсат ба танзим медарорад.
Сардори Шуъбаи иқтисод ва маркетинг
Шуъбаи иқтисод ва маркетинг воҳиди муҳими Хадамоти алоқа буда, фаъолияти худро ба таҳлил, танзим ва рушди иқтисодии соҳаи алоқа равона менамояд. Шуъба дар татбиқи сиёсати давлатӣ иштирок намуда, барои беҳтар намудани шароити иқтисодӣ ва рушди бозори хизматрасониҳои алоқа мусоидат мекунад.
Он нишондиҳандаҳои иқтисодии соҳа, аз ҷумла даромаднокӣ, сармоягузорӣ, шумораи муштариён ва сифати хизматрасониҳоро таҳлил карда, инчунин мониторинги тарифҳо ва фаъолияти операторонро анҷом медиҳад. Шуъба дар таҳияи барномаҳои давлатӣ, ҷалби сармоягузорӣ ва ҷорӣ намудани технологияҳои муосир иштирок намуда, ҳамзамон ҳисоботҳои таҳлилӣ омода ва барои қабули қарорҳои идоракунӣ пешниҳод менамояд. Дар маҷмӯъ, фаъолияти шуъба ба рушди устувор ва баланд бардоштани самаранокии иқтисодии соҳаи алоқа равона шудааст.
Муовини Сардори Хадамоти алоқаи назди Ҳукумати Ҷумҳурии Тоҷикистон
Сардори Раёсати рушди алоқа ва иттилоотонӣ
Раёсати рушди алоқа ва иттилоотонии Хадамоти алоқаи назди Ҳукумати Ҷумҳурии Тоҷикистон (минбаъд – Раёсат) дар асоси Низомномаи Хадамоти алоқаи назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 25 сентябри соли 2025, №480 тасдиқ шудааст фаъолият намуда, ҷузъи таркибии Хадамоти алоқа маҳсуб меёбад ва якҷоя бо дигар ҷузъҳои таркибии Хадамоти алоқа сиёсати давлатии идора ва танзими соҳаи алоқаи барқӣ, алоқаи почта ва иттилоотониро таҳия мекунад ва ба амал мебарорад.
Сохтори Раёсат: Раёсат аз 7 басти воҳиди корӣ иборат аст: сардори Раёсат; муовини сардор; сармутахассиси рушди инфрасохтори алоқа; сармутахассиси технологияҳои иттилоотӣ ва коммуникатсионӣ; сармутахассиси таҳлил, банақшагирӣ ва дурнамо; мутахассиси пешбар; мутахассис.
Сардори Раёсати таъмини амнияти иттилоотӣ
Бо Қарори Ҳукумати Ҷумҳурии Тоҷикистон аз 25 сентябри соли 2025 таҳти №481, «Дар бораи корхонаҳо ва муассисаҳои низоми Хадамоти алоқаи назди Ҳукумати Ҷумҳурии Тоҷикистон» ва тибқи Низомномаи нави Хадамоти алоқа дар дастгоҳи марказӣ «Раёсати таъмини амнияти иттилоотӣ» таъсис дода шудааст.
Раёсати таъмини амнияти иттилоотӣ яке аз воҳидҳои сохтории Хадамоти алоқаи назди Ҳукумати Ҷумҳурии Тоҷикистон буда, фаъолияти он ба ҳифз ва таъмини амнияти иттилоот дар фазои иттилоотию коммуникатсионии кишвар равона гардидааст. Раёсат дар доираи сиёсати давлатии Ҷумҳурии Тоҷикистон оид ба рушди технологияҳои иттилоотию коммуникатсионӣ ва ҳифзи манфиатҳои миллӣ амал менамояд.
Самти асосии фаъолияти Раёсати таъмини амнияти иттилоотӣ ҳамчун қисми таркибии амнияти миллии давлат мебошад. Зеро амнияти иттилоотӣ барои ҳифзи истиқлолияти давлатӣ, рушди иқтисодиёт ва фаъолияти устувори мақомоти давлатӣ аҳамияти калон дорад.
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Ҳеҷ чиз ёфт нашуд.
