Интернети моҳвораӣ ҳамчун алтернатива ба шабакаҳои мобилӣ
Интернети моҳвораӣ ба яке аз самтҳои босуръат рушдёбандаи соҳаи алоқа табдил ёфтааст. Ширкатҳои SpaceX (Starlink), Amazon (Project Kuiper / Amazon Leo), Eutelsat OneWeb ва дигар операторони байналмилалӣ шабакаҳои моҳвораии мадори паст (LEO)-ро фаъолона густариш медиҳанд.
Тибқи маълумоти Reuters, шабакаи Starlink аллакай зиёда аз 8 ҳазор моҳвораро ба мадор бароварда, ба миллионҳо истифодабаранда дар зиёда аз 100 кишвар хизмат мерасонад. Ҳамзамон Amazon ба рушди лоиҳаи Kuiper беш аз $10 млрд сармоягузорӣ намуда, ният дорад зиёда аз 3200 моҳвораро барои таъмини интернети ҷаҳонӣ ба кор дарорад.
Коршиносон қайд мекунанд, ки технологияҳои LEO нисбат ба моҳвораҳои анъанавӣ таъхири камтар ва суръати баландтарро таъмин мекунанд. Аз ин рӯ, интернети моҳвораӣ метавонад барои минтақаҳои кӯҳӣ, деҳот ва ҷойҳое, ки сохтмони инфрасохтори мобилӣ душвор аст, ҳалли муҳим гардад.
Ширкати аврупоии Eutelsat OneWeb низ пас аз ҳамроҳшавӣ бо OneWeb фаъолияти худро густариш дода, беш аз 600 моҳвораро барои хизматрасониҳои давлатӣ, авиатсия ва алоқаи баҳрӣ истифода мебарад. Reuters хабар медиҳад, ки даромади бахши LEO-и ширкат дар соли 2026 беш аз 65% афзоиш ёфтааст.
Мутахассисони соҳа бар он назаранд, ки рушди интернети моҳвораӣ дар солҳои наздик рақобатро бо шабакаҳои анъанавии мобилӣ боз ҳам бештар мекунад.
Интернети моҳвораӣ тадриҷан ба қисми муҳими инфрасохтори ҷаҳонии рақамӣ табдил меёбад.
